Aurkezpena
Lanbidek, Enplegurako Orientazio Zerbitzutik, orientazioko profesionalen aholkularitza eskaintzen dizu, enplegu duina lortzeko aukerak bilatzen edo hobetzen laguntzeko.
Zer da Orientazio Zerbitzua?
Bizitzan zehar pertsonen enplegagarritasuna hobetzeko Lanbidek eskaintzen duen zerbitzua da.
Nola funtzionatzen du?
Lana bilatzen laguntzeko hainbat tresna eskaintzen dizkizugu, zure helburu profesionala definituz eta lana aurkitzeko aukerak hobetzeko behar duzun informazioa eskainiz.
Gure baliabide guztiak aurrez aurre eta online eskaintzen dizkizugu.
- Aurrez aurreko orientazioa
Erreferentziako profesional bat esleituko dizugu, enplegu duin bat lortzeko aukerak bilatzen edo hobetzen lagunduko dizuna eta zure hautagaitzari balioa ematen lagunduko dizuna.
Hartu hitzordua zure erreferentziazko profesionalarekin Nire Lanbidenet-era sartuta.
- Online orientazioa
Gure webgunean zure CVa eta aurkezpen-gutuna idazteko modurik onenari buruzko informazioa aurkituko duzu, lana bilatzeko eta hautagaitza aurkezteko biderik onenak zein diren erakutsiko dizugu eta hautaketa-prozesu bati arrakastaz nola aurre egin erakutsiko dizugu; azken batean, zure ibilbide profesionala diseinatzen edo garatzen lagunduko dizugu.
Online eskaintzen ditugun zerbitzuetara ere sar zaitezke:
 |
Hitzordua har dezakezu Nire Lanbidenetetik orientazio pertsonalizatuko gure online zerbitzuetara sartzeko. |
 |
Bulego Birtualetik eskaintzen ditugun talde-tailerretara sar zaitezke, lana bilatzeko oinarrizko tresnak zabaltzeko. |
Nola sartu?
Hitzordua eskatu ahal izango duzu Nire Lanbidenet-era sartuta, zure erreferentziako profesionalak (aurrez aurre zure bulegoan) edo Bulego Birtualeko orientatzaileek (bideokonferentzia bidez) arreta eman diezazuten.