Zer da Lanbide?
Eusko Jaurlaritzak eskueran jartzen dizun Euskal Enplegu Zerbitzu Publikoa da eta lana bilatzeko prozesuan laguntza eta orientabidea eskaintzen dizu
2025 Lanbideren ezaugarri nagusia enplegu-eskatzaile bakoitzari plan integrala eta pertsonalizatua eskaintzea da.
Integrala da, pertsona bakoitzarekin batera egiten dugulako lana bilatzeko prozesuaren bide osoa, aholku ematen, orientatzen eta laguntzen, hainbat prestakuntza-ekintzaren bidez eta bere enpresa sortzeko sostengua eskaintzen; eta pertsonalizatua ere bai, lanbide-profil bakoitzerako banakako planak diseinatzen ditugulako.
Lanbiden gure partea jarri nahi dugu, enplegu betea, egonkorra eta kalitatekoa lortzeko.
Pertsonei...
- Beren lehen enplegua bilatzen ari direnei
- langabezian daudenei
- lan-merkatura itzuli nahi dutenei
- lanean arituta ere, enpleguz aldatu nahi dutenei
Enpresei ere...
- langileak behar dituzten
- aholkularitza eta enplegua sortzeko laguntza eskainiz.
Arreta pertsonalizatua eskaintzen dugu, zuzena eta kalitatekoa, lana aurkitzeko dituzun aukerak hobetzeko.
Zurekin hitz egiten dugu, zure helburuak eta lanbide-profila zehazteko eta zure ezaugarrietara hobekien egokitzen diren lanak zein diren aztertzeko.
Zurekin batera lantzen dugu "Lana bilatzeko zure plan pertsonala" eta bilaketarako tresnak eskaintzen dizkizugu: prestakuntza, lana bilatzeko teknikak, enpresetako praktikak, aholkularitza pertsonalizatua eta lan-merkatuarekiko bitartekaritza, zure lan-eskarirako enplegu-eskaintzarik egokienak zure eskueran jarrita.
Emakumeen eta gizonen berdintasunerako plana XIII. legegintzaldian berdintasun-politikak gidatuko dituen dokumentu estrategikoa da.