Adin ertaineko trebetasunen etengabeko berrikuspena sustatzea, Value My Skills Tool tresnan oinarrituta.

Lanbidek, nazionalitate ezberdinetako beste bederatzi bazkiderekin batera, European Mid Life Skills Review proiektu europarrean parte hartzen du, Erasmus+ programa europarraren barruan. Proiektu honen helburua adin ertaineko trebetasunen eta gaitasunen etengabeko berrikuspena sustatzea da, eta horretarako Value My Skills Tool (VMS Tool) tresna erabiltzen du. Tresna horren jatorria Union Learn sindikatuak pentsatutako Value My Skills txarteletan dago, eta haren garapen digitala aldez aurreko proiektu batean finkatu zen, Europar Batasuneko Erasmus + -en laguntzarekin.

VMS tresnak milaka erabiltzaile izan ditu, eta langileei trebetasunak identifikatzen laguntzea du helburu, bai eta beren enplegua sendotzeko eta hobetzeko eskuratu beharko lituzketen trebetasunak identifikatzen laguntzea ere. Erabiltzaileek azterketa hori banaka edo gainbegiratuta egin ahal izateko pentsatuta dago. Helduen oinarrizko trebetasunak hobetzeko aukera bat da, alfabetizazio-, aritmetika- eta IKT-trebetasunak barne, eta, oro har, lantokian helduen trebetasun digitaletan gaitasuna garatzeko.

Online tresna hamar hizkuntzatan dago eskuragarri: ingelesez, finlandieraz, frantsesez, alemanez, italieraz, letonieraz, lituanieraz, polonieraz, errumanieraz eta espainieraz.

Gure proiektuaren helburua trebetasunak berrikusten laguntzeko material berritzaileak garatzea da. Modulu horietan lineako modulu berriak sartzen dira, interesdunek ikaskuntzara itzultzearen eragin positiboak ikusteko edo lanbide-arlo eta bizi-arlo jakin batzuetan gaitasunak indartzeko edo eskuratzeko aukera izan dezaten. Jatorriz, kualifikazio gutxiko helduei zuzentzen zaie tresna hau.

Erasmus+ hezkuntzaren, prestakuntzaren, gazteriaren eta kirolaren arloetan diharduen Europako programa da. 2021-2027 aldirako, programak bereziki azpimarratzen ditu gizarteratzea, trantsizio ekologiko eta digitala, eta gazteek bizitza demokratikoan parte hartzearen sustapena. Lan-ikuspegiak eta garapen pertsonala bultzatu nahi ditu, eta, horrez gain, gure hezkuntza-, prestakuntza- eta gazteria-sistemei lagundu nahi die pertsonei lan-merkaturako eta egungo eta etorkizuneko gizarterako beharrezko gaitasunak emango dizkien irakaskuntza eta ikaskuntza ematen.