Enplegu-bilaketa aktiboa egiaztatzeko moduak
Enplegu-bilaketa aktiboa egiaztatzeko (EBA) hurrengo taulatik 3 ekintza egiaztatu behar dira (gehienez ere mota bereko 2).
| Ekintza | Dokumentazioa |
|---|---|
| 1. Norberaren edo besteren konturako lana | Ez dago agiririk aurkeztu beharrik. |
| 2. Curriculumak bidali edo aurkeztea, hiru enpresatara gutxienez | Formularioan sartuta dagoen enpresaren zigilua duten curriculumak aurkeztea edo Internet bidez bidalitako curriculumaren informazioa jasotzen duten pantailak inprimatzea. Hemen sartzen da agentzia laguntzaileek honako zerbitzu hauetakoren bat jasota edukitzea (agiri bidez egiaztatu beharrik gabe):
|
| 3. Gutxienez, lan-elkarrizketa bat egitea | Elkarrizketa egin duen enpresaren zigilua duen curriculuma edo lan-elkarrizketa egin duen enpresako arduradunaren identifikazioa (izena edo kargua). |
| 4. Izena ematea baimendutako enplegu-agentzia batean gutxienez | Agentzia horrek egindako agiria, non eskatzailearen izen-ematea jasoko den, edo agentziaren zigilua duen curriculuma, ekintza hori zein egunetan egin zen zehaztuta. |
| 5. Enplegu-eskatzaile gisa inskribatzea, gutxienez enplegua bilatzeko bi atari pribatutan edo enplegu-zerbitzu publikoetan. | Egindako izen-ematearen ziurtagiria aurkeztea, dagokion atarian eskatzaileak izena eman duela adierazten duen pantailaren kopia aurkeztea, edo dena delako atariak eskatzaileari atari horretan izena eman zaiola azalduz emandako erantzuna aurkeztea, betiere, izen-ematea noiz egin zen zehaztuta. |
| 6. Enplegu-zerbitzu publikoen lan-eskaintzetara aurkeztea | Ez dago agiririk aurkeztu beharrik. Egin “eskatzaile baten eskaintzak” kontsulta, non hautagai gisa agertzen den –emaitza kontuan hartu gabe– edo hautagaitza bidali dela ageri den (eskaintza esleitzeko modua eta bidalketaren emaitza edozein dela ere). Eskaintzaren identifikadorea jarriko da enplegu-bilaketa aktiboa egiaztatzeko agirian. |
| 7. Enplegu-zerbitzu publikoek eskainitako bestelako edozein jarduera, batik bat prestakuntza-ekintzetan | Ez dago agiririk aurkeztu beharrik. Nahikoa da egiaztatzea hala islatzen duen edozein zerbitzu jasota daukala, hasita behintzat. Baita jarduera egiazta dezakeen edozein agiri ere; izan ere, eskumena duen enplegu-zerbitzu publikoaren egiaztagiria baliozkoa izango da, egindako ekintzak eta ekintzen datak zehaztuta. |
Enplegu-bilaketa aktiboko ekintza horiek esleitutako tutorearen laguntza edo bitartekaritzaren bidez edo horretaz baliatu gabe egin ditzake langileak. Horrez gain, langileak enplegu-agentzia batean izena eman dezake, eta haren bidez aurreko 3. puntutik 6.era bitartean jasotzen diren jardueretatik bi egin, enplegu-agentziak hala egiaztatuta.