Lanbidek enplegagarritasuna hobetzeko eta laneratzea sustatzeko ikastaroak eskaintzen ditu urtero. Bi lerro berezitutan programatzen ditu ikastaro horiek: bata lehentasunez langabezian daudenei bideraturik, kasu askotan kontratazio-konpromisoarekin, eta beste bat lehentasunez lana duten pertsonei bideraturik.

Ikastaro guztiak erabat doan dira eta baldintza bakarra Lanbiden izena emanda egotea da (langabezian bazaude) eta egin nahi duzun ikastarorako baldintzak betetzea.

Prestakuntza-jarduera hauek aurrez aurre nahiz urrutiko prestakuntza bidez emango dira, eta hainbat kualifikazio mailatarako bideratuta daude (hasi oinarrizko gaitasunetatik eta kualifikazio handikoetara, lizentziadunei nahiz goi mailako lanbide heziketakoei zuzenduta).

Horrez gain, Lanbide-Euskal Enplegu Zerbitzuak Ekimen Pribatu Egiaztagarriko ikastaroak baimentzen eta ikuskatzen ditu (ez dira diruz lagunduak), lana dutenei nahiz langabezian daudenei bideratuak.

Erabili bilatzaile hau gehien interesatzen zaizun ikastaroa aurkitzeko. Aukeran dauzkazu bai Lanbidek gaur egun programatuta dauzkanak, bai ekimen pribatuko ikastaro egiaztagarriak (ez daude diruz lagunduta) bai eta kanpoko beste erakunde batzuenak ere.