Enpresak Lan-Eskaintzak

Doako zerbitzua da. Online egin dezakezu (gure webgunean) Contrat@-ren gakoak badituzu eta, ez badituzu, posta elektronikoz bidal dezakezu eskaintza aukeratutako bulegora edo erakunde laguntzailera. Horretarako, "Lan-eskaintzen eskaera ereduak" erabili behar dituzu.

Era berean, inprimaki hori entregatu ahal izango duzu Lanbideko edozein bulegotan hitzordua eskatuta edo eskaintzak kudeatzeko erakunde laguntzailetan.

Eskaintza-eskabidea enpresak bete, sinatu eta zigilatu beharko du, eta posta elektronikoz bidaliz gero, enpresaren helbide korporatibo batetik bidali beharko da.

Lanbideren enpresa erabiltzaile izateko, aldez aurretik Contrat@-ren gakoak eduki behar dira. Lehen aldiz "lan-eskaintzen eskaerari alta" atalera sartzen zarenean, enpresa erabiltzaile gisa erregistratzeko formularioa agertuko da eta, erregistratu ondoren, lan-eskaintzak gure webgunean kudeatu ahal izango dituzu.

Bidalitako hautagaitzei erantzun behar diezu: egokiak ote diren, profila betetzen ez dutela, eta abar adierazi behar diezu.

Datu-basean mota orotako lanbide-profilak daude (hautagaiak daude 2.146 lanbide-okupazioetan), lizentziatuetatik peoietara eta langabezian dauden pertsonak zein lanean ari direnak barne hartzen dira.