Enplegu lagundua: desgaitasunen bat duten pertsonak kontratatzea sustatzeko neurria
Enplegu Lagundua enpresen eskura dagoen baliabide bat da, desgaitasunen bat duten langileak kontratatzeko betebehar legalari (azaroaren 29ko 1/2013 Legegintzako Errege Dekretuaren 42. artikulua) eta bere Enpresen Gizarte Erantzukizunaren (EGE) estrategiaren garapenari laguntzeko. Zehazki, Enplegu Lagunduak enpresari euskarria eskainiko dio, honek pertsonen kudeaketaren inguruan EGE-a hedatu nahi duenean, desgaitasunen bat duten pertsonak kontratatzeko garaian lan-aukeren berdintasuna bermatzeko.
Enplegu Lagunduak enpresari dakarkio, kosterik gabe, desgaitasunen bat duten pertsonak langilerian lekukotzeko prozesuan lagunduko dioten profesional berezituak eskura izatea.
Profesional hauen zeregina akonpainamendu bikoitza egitea da, bai enpresari eta baita desgaitasunen bat duen pertsonari ere, lanpostuan hasteko eta berau mantentzeko beharrezkoak diren prozesu guztietan. Bakarkako eta pertsonari egokitutako jarraipen bat da; bere helburua da, desgaitasunen bat duten pertsonek beraien zereginak modu autonomo eta eraginkorrean burutu ditzatela, antzeko lanpostuak betetzen dituzten langileen pareko baldintzetan eta enpresaren eskakizunekin bat eginez.
Lanpostuan hasi aurretik beharrezkoak diren laguntzak
Enplegu Lagundua-ko profesionalek, enpresaren laguntzaz, lanpostuen analisi zehatz bat egingo dute desgaitasunen bat duten pertsonentzako lan aukera ezberdinak atzemateko.
Analisi honek garrantzizko informazioa emango du hurrengo fasea hasteko, enpleguaren garapenerako baldintza eta ezaugarriei buruzkoa: lanpostuan jarduteko beharrezko gaitasunak dituzten eta desgaitasunen bat duten pertsonak ezagutzea.
Enplegu Lagundua-ko profesionalek desgaitasunen bat duten pertsonak atzemango dituzte, hauen ezaugarri eta ahalmenengatik lanpostuaren zereginak bete ditzaketenak, aurretik pertsona-lanpostu doikuntza-analisi bat eginez.
Lanpostuan jarduteko beharrezko laguntzak
Lanpostu berri batean hasteak betiere ikasketa eta doitze-denbora bat dakar. Desgaitasunen bat duten pertsonen kasuan, denbora hori bakarkako prestakuntza baten laguntzaz burutzen da eta pertsona lanpostu eta lan-ingurura egokitzea du helburu; beharrezkoa den kasuetan ere, lanpostuaren inguruan zentzuzko egokitzapenak gauzatuko dira, eta lanpostuan gertuko jarraipena egingo da modu ezin hobean jarduteko.
Enplegu Lagundua-ko profesionalak arduratuko dira lanpostu edota honen inguruan gertatutako behin-behineko aldaketengatik sor daitezkeen doikuntza-beharrez. Halaber, prozesuaren epe luzeko jarraipena, honen ebaluazio sistematiko bat eta segimendu horrekiko asebetetzea, bai desgaitasunen bat duen pertsona eta baita enpresaren partetik ere, zainduko dute. Beraien helburua desgaitasunen bat duen pertsonak lanpostuan irautea da.
Desgaitasuna duten pertsonek enplegu lagundurako sarbidea izatea aitortutako desgaitasun-motaren eta -mailaren araberakoa izango da. Honako hauek izan daitezke:
- Garun-paralisia, osasun mentaleko nahasmendua, adimen-desgaitasuna edo autismoaren espektroko nahasmendua duten pertsonak, % 33ko edo gehiagoko desgaitasun-maila aitortua izanik.
- Desgaitasun fisikoa edo sentsoriala duten pertsonak, %65eko edo gehiagoko desgaitasun-maila aitortua izanik.
- Gorrak eta entzuteko desgaitasuna duten pertsonak, % 33ko edo gehiagoko desgaitasun-maila aitortua izanik.
- Mugako adimen-gaitasuna duten pertsonak, gutxienez % 20ko eta % 33tik beherako desgaitasun-maila izanik.
Enpresek egin beharreko kontratazioak Enplegu Lagundua-ren esparruan izan behar dute:
- Gutxieneko jardunaldia: Enpresaren ohiko jardunaldi osoaren %35a
Enpresek indarrean dagoen legedian ezarrita dauden pizgarriak aplikatzeko eskubidea izango dute, desgaitasunen bat duten langileei dagozkienak.
| ERAKUNDEA * | HELBIDEA | KODE POSTALA | UDALERRIA | TELEFONOA | |
|---|---|---|---|---|---|
| GUREAK ARABA S.L. | Oto Hiribidea 50, 48 pabiloia | 01010 | VITORIA-GASTEIZ | 945101080 | mezquerra@gureak.com |
| ASOCIACIÓN ALAVESA DE FAMILIARES Y PERSONAS CON ENFERMEDAD MENTAL-ASAFES | Amadis - behe (Blas de Oterotik sarrera) | 01010 | VITORIA-GASTEIZ | 945288648 | empleo3@asafes.org |
| ERAGINTZA FUNDAZIOA | Iruña, 17 behe | 48014 | BILBAO | 944231693 | eragintza@eragintzafundazio.eus |
| APNABI LAN-AUTISMO BIZKAIA EMPLEO | Basurtuko geltokiko kalea, 1 | 48002 | BILBAO | 944754417 | lan@apnabi.org |
| LANTEGI BATUAK FUNDAZIOA | Calle Artxanda, 7 - 2º | 48160 | DERIO (BIZKAIA) | 946941341 | lanerako@lantegi.com |
| EUSKAL HERRIKO DOWN SINDROME FUNDAZIOA | Begoñako Amabirjinaren kalea, 12-14 atzealde | 48006 | BILBAO | 944790284 | down@downpv.org |
| ASOCIACIÓN GAUDE EN FAVOR DE PERSONAS CON DISCAPACIDAD INTELECTUAL | Inbisa Eraikuntza, Amaia Hiribidea, 2, 2º g | 48940 | LEIOA | 944632455 | bparra@gaude.eus |
| GUREAK LANEAN, S.A. | Ilarra Bidea, 4 | 20018 | DONOSTIA-SAN SEBASTIAN | 943000795 | gureakitinerary@gureak.com |
| KATEALEGAIA, S.L.L. | Epele Bailara Poligonoa, 35 | 20128 | HERNANI | 943521834 | eca@grupokl.com |
*Diru-laguntzen deialdien erakunde onuradunak, Enplegu-Lagunduaren jardueren garapenera zuzenduak, lan-merkatu arruntean desgaitasunen bat duten pertsonak integratzeko neurri bezala.