COVID-19aren ondorioz ezarritako aldi baterako enplegu-erregulazioko espedienteen eragina jasan duten langileentzako ohiz kanpoko laguntzak

Zer ERTE-motak eskura dezakete laguntza mota hori? Ba al dago murrizketarik?

Laguntza hori eskatu ahal izango dute Covid-19 ondorioz ERTE batek eragindako pertsona guztiek, baldin eta urtean 20.000 euro edo gutxiagoko Gizarte Segurantzako kotizazio-oinarria badute.

1. Laguntzen deialdian, eskatzaileek kontribuzio-prestazio baten titularrak izan behar dute (2020ko uztailaren 1etik irailaren 30era bitarteko aldian), kontratua eteteagatik edo lanaldia murrizteagatik, 8/2020 Errege Lege Dekretuaren 22. eta 23. artikuluetan oinarrituta.

2. Laguntzen deialdian, eskatzaileek kontribuzio-prestazio baten titularrak izan behar dute (edo egoera horretara igarotzen badira 2020ko urriaren 1etik 2021eko urtarrilaren 31ra bitartean), kontratua eteteagatik edo lanaldia murrizteagatik, Enpleguaren Aldeko Gizarte Neurrien irailaren 29ko 30/2020 Errege Lege Dekretuaren 1., 2. edo 3. artikuluen ondorioz edo ekainaren 26ko 24/2020 Errege Lege Dekretuaren lehenengo xedapen gehigarriaren ondorioz luzatu edo baimendu diren aldi baterako enplegu-erregulazioko espedienteen bidez.

EBko AIZ bat badaukat, iraungitze-datarik gabe, eska dezaket laguntza inprimakiaren bidez?

Bai, dagozkion eremuetan AIZ zenbakia, jatorrizko herrialdea eta izen-abizenak adierazi beharko dituzu.

Egunean egon behar al dut ogasun eta gizarte-segurantzarekiko ordainketetan laguntza jaso ahal izateko?

Hauek dira eskatutako baldintzak: zerga-betebeharrak eta Gizarte Segurantzarekikoak egunean izatea, bai eta diru-laguntzen arloko itzulketa-betebeharrak ordainduta izatea ere.

DSBEarekin hartutako zorrak kontuan hartzen badira, arrazoi hori da ERTEren laguntza osagarria ukatzeko?

DSBE prestazio bat da; horregatik, kontzeptu horrengatik izan ditzakeen zorrek ez dute eragozten deialdi honen xede den ERTEren osagarriaren onuradun izatea.

Enplegu-erregulazioko espedientearen laguntza osagarria langabezia kobratzen den kontu-zenbaki berean sartu behar da, eta kontua aldatzen bada, nola jokatu behar du eskatzaileak? Lehenik eta behin, SEPEri jakinarazi, eta, ondoren, eskabide-inprimaki berri bat bete?

Kontu-aldaketa SEPEri jakinarazi behar diozu, eta laguntza-eskabidearen beste inprimaki bat bete, kontu berria adieraziz.

Erantzukizunpeko adierazpenean, bigarren klausulan, 20000 ?-tik beherako kotizazio-oinarriari dagokionez, enpresa/kontratu guztien diru-sarreren batura aipatzen da?

Bai. Aldi baterako ezintasunagatik lanaldia eten edo murriztu aurretik eskatzaileak enpresa batean baino gehiagotan lan egiten bazuen, horien guztien kotizazio-oinarrien baturak (kontingentzia arruntengatik) ezin izango du gainditu 20.000 euro gordin urteko kopuruetan.

ERTE osagarriaren eskaera betetzerakoan daturen bat gaizki sartuz gero, beste eskabide bat bete behar al dut?

Bai, beste eskaera bat bidali behar duzu, informazioa eguneratuta edo zuzenduta.

Legezko guardiagatik lanaldi-murrizketan banago, zer lanaldi-ehuneko jarri behar dut formularioan, nire kontratuan agertzen dena edo egunero egiten dudana?

Egunero egiten duzun lanaldiaren ehunekoa adierazi behar duzu.

Diruz lagundutako aldian jasotako ordainsariei buruzko erantzukizunpeko adierazpena

1. deialdiaren "Diruz lagundutako aldian jasotako ordainsariei buruzko erantzukizunpeko adierazpena” 2021eko urtarrilaren 29a baino lehen aurkeztu behar da.

Izapidera laguntzaren fitxatik sar daiteke.

1. deialdian laguntza aitortu badidate eta ABEEE baten eraginpean jarraitzen badut edo berriz ere eragiten badit, eska al dezaket laguntza berriro 2. deialdian?

Bai, deialdiaren baldintzak betetzen badituzu, 2020ko urria, azaroa, abendua eta 2021eko urtarrilerako laguntza eska dezakezu.

1. deialdian laguntza eman badidate eta 2. deialdian eskatuko badut, inprimakia betetzean zehaztu behar dut (erantzukizunpeko adierazpenaren 8. puntuan) laguntza hau jaso dudala edo jasoko dudala?

Ez. Erantzukizun-adierazpenaren atal hori urrian, azaroan, 2020ko abenduan eta 2021eko urtarrilean ABEEEn (langabezia-prestazioa alde batera utzita) egoteagatik beste laguntza/diru-laguntza batzuk jasotzen dituzten pertsonek baino ez dute bete behar.

Nire kotizazio-oinarria urtean 20.000 euro-tik beherakoa bada, zenbat hartuko da kontutan kalkulua egiteko?

Kontutan hartuko da SEPEk egindako ebazpenean jasotzen dena, azken 180 egunetako kotizazioaren batez bestekoarekin bat datorrena. Hilero etortzen da, beraz, 12 aldiz biderkatu beharko litzateke urteko zenbaketa jasotzeko.

Azken aldaketako data:

Tag-ak