BGDSren eskaera hainbat bidetik aurkeztu daiteke:

• Lanbide- Euskal Enplegu Zerbitzuaren lurralde-bulegoetan, aurrez aurre.

Aldez aurretik hitzordua eskatu beharko duzu Lanbideren webgunearen bidez edo 945 160 600 telefonora deituz erroldatuta zauden eta benetan bizi zaren udalerriari dagokizun bulegoan.

• KZgune zentroak.

Eskaera egiteko laguntza behar baduzu, KZguneak zure eskura jartzen du Bizitzeko Gutxieneko Diru-sarrera eskatzeko laguntza-zerbitzu bat. Horretarako, hitzordua eskatu behar duzu 945 160 600 telefonora deituta.

Eskaera egiteko, honako baliabide hauek eduki beharko dira:

• Posta aktiboko kontu bat.
• Smartphone bat, KZgunera joateko.
• Zerrendan dauden bankuetako batean irekitako banku-kontu bat.

• Administrazio Publikoen Administrazio Prozedura Erkidearen urriaren 1eko 39/2015 Legearen 16.4 artikuluan aurreikusita dagoen bitartekoren bat erabiliz.