Enpresak - Kontratuak

Non erregistratu/jakinarazi dezaket lan-kontratu baten edukia?

Ezinbestean Contrat@ "Lan-kontratazioaren Internet bidezko komunikazioa" aplikazioaren bidez, eta Enplegu eta Gizarte Politiketako sailburuaren 2015eko azaroaren 5eko Aginduaren –Euskal Autonomia Erkidegoan lan-kontratuen edukia eta haien oinarrizko kopiak bitarteko elektronikoen bidez helarazteko prozedura egokitzen duenaren– 2. artikuluari jarraiki.

Non lor ditzaket Contrat@ aplikazioa erabili ahal izateko gakoak?
Gure web orrian, "Enpresak" ataleko ezkerreko alboko menuan, "Contrat@ | Kontratuen jakinarazpena / Contrat@ sarrera" esteka bat dago, eta, bertatik, SEPEren aplikaziora sar zaitezke, baimena aurrez aurre eskatzeko (eskabidea, dagokion dokumentazioarekin batera, Lanbideren enplegu-bulego batera hitzorduarekin joanda entregatu behar da, ondoren onartzeko) edo telematikoki.
Errore bat izan dut kontratu bat contrat@aplikazioaren bidez komunikatzean, eta aplikazioak ez dit aldatzen uzten. Zer egin behar dut?

Gure On-line Aholkularitza erabili dezakezu. Zerbitzu honetatik zure zalantzak argitzen ditugu eta Contrat@ aplikazioa, hobariak eta lan-kontratuei buruzko kontsultak erantzuten ditugu.

Nola ziurta dezaket pertsona bat inskribatuta eta langabezian dagoela, araudiak aurreikusten duen kasuetan hobari bat aplikatu ahal izateko?

Inskripzioa Lanbidek kontratatu beharreko pertsonari emandako ziurtagiriaren bidez egiazta daiteke; hala ere, langabezi lan-egoera Gizarte Segurantzak egiaztatu behar du, lan-bizitzaren ziurtagiriaren bidez, non azaltzen den pertsona hori ez dagoela alta emanda kontratazioaren unean.

Jakin behar dut pertsona bat praktikaldiko edo prestakuntzako kontratu batekin lanean aritu den ala ez, kontratatu dezakedan ala ez jakiteko. Lanbidek eman al diezadake informazio hori?

Bai, dagokion enplegu-bulegora hitzorduarekin joanda lor dezakezu informazio hori.