Proiektuak GFAko Babes Sistemako nerabeak gizarteratzeko hainbat ibilbide diseinatu nahi ditu, bereziki egoitza-baliabideetan bizi direnak. Gipuzkoako bi eskualdetan oinarrituko da: Oarsoaldea eta Beterri Buruntza. Pertsonaren egoera,  beharrak, gaitasunak, nahiak eta motibazioak kontuan hartuta, hainbat ibilbide mota garatuko dira, era askotako baliabideak aktibatzeko.

Gizarte- eta lan-ibilbidean zehar, erreferentzialtasun profesionalak gizarte-zerbitzuetatik (eta hezkuntza-sistematik) enplegu-sistemara joan behar du, aipatutako azken sistema horrek presentzia handiagoa izan beharko baitu gazte bakoitzaren bizi-prozesuan, benetako emantzipazioa lortzeko.

Programa bi eskualdeetan elkarrekin lanean ari diren erakunde askoren koordinazioan oinarritzen da, eta lehen eta bigarren mailako arretako gizarte-zerbitzuen, Lanbideren bulegoen, ikastetxeen, tokiko garapen-agentzien eta Hirugarren Sektoreko erakundeen arteko koordinazioa hobetzea du helburu. Bereziki, gertutik lan egingo da BATZEN Gazte Enplegurako Harrera Sistemarekin, proiektua erabilitako metodologiekin elikatuz eta aurretik diseinatutako ibilbideei jarraitutasuna emanez.