Proiektu honen bidez, Bidasoaldeko eskualdean prestakuntza txikia duten edo hezkuntza sistema arautua edo hasierakoa behar baino lehenago utzi duten pertsonentzako ibilbide mistoak diseinatu nahi dira, lan eta gizarte arlokoak.

Proiektuak lan- eta hezkuntza-sistemaren arteko koordinazioa eskatzen du, Irungo Lanbideren bulegoak, eskualdeko ikastetxe batek (Irungo Lasalle) eta eremu soziolaboralean lan egiten duen hirugarren sektoreko erakunde batek (Emaus Gizarte Fundazioa) elkarrekin lan eginez. Ildo horretatik, proiektuak pertsona horiei arreta eta laguntza koordinatua eskaini nahi die hezkuntza-sistemaren eta lan-sistemaren artean, merkatura sartzea galarazten duten prestakuntzako behar edo defizitetan oinarrituta (kualifikaziorik ezagatik, motibaziorik ezagatik edo administrazio-trabak egoteagatik, egoera irregularrean dauden pertsonen kasuan).

Diseinatzen diren banakako ibilbideek honako hauek bilduko dituzte: parte-hartzaileen banakako planean ezarritako prestakuntza-ekintzetara bideratzea, gaitasun sozioprofesionalak eta gaitasun digitalak hobetzeko zeharkako talde-ekintzak, banakako tutoretzak eta, beharrezkoa bada, gizarteratzeko beste sistema batzuetara bideratzea (osasuna, etxebizitza, gizarte-zerbitzuak...).