Proiektu honen helburua da Enkarterrin arrisku edo bazterketa egoeran dauden emakumeak gizarteratu eta laneratzeko laguntza mistoa eta berritzailea emateko eredu bat diseinatu eta gidatzea. Horretarako, hiru oinarri nagusi ditu proiektuak: parte hartzen duten emakumeen jabekuntza pertsonala eta soziala; enplegu inklusiboa eta kalitatezkoa sortzea; eta interakzioa eta lankidetza beste arreta-sistema batzuekin (oinarrizko gizarte-zerbitzuak, buru-osasuneko zentroak…) eta eskualdeko beste eragile batzuekin (Enkartur, Behargintza, Lanbideko bulegoak, prestakuntza-zentroak, etab.)

Ibilbide misto koordinatua denez, parte hartzen duten emakumeek  erreferentziazko bi profesional izango dituzte, eta elkarrekin koordinatuko dira: gizarte-arloko kasu-erreferentea (Mankomunitateko oinarrizko gizarte-langileak) eta lan-arloko kasu-erreferentea (EDE Fundazioko gizarte- eta lan-orientatzailea).

Bi figura hauek, erabiltzaile bakoitzarekin koordinatuta, inklusiorako plan integratu pertsonalizatu (IPIP) bat prestatuko dute. Plan hori komuna, partekatua eta adostua izango da, eta gizarte- eta lan-arloko helburuak eta jarduerak integratuko ditu. Horretarako, aurrez zehaztutako gizarte-arloko Arreta Pertsonalizaturako Plana hartuko du erreferentziatzat, eta zehaztuko den banakako Enplegu Planaren helburuak eta jarduerak gehituko ditu.