Belaunaldi-erreleboa eta adinaren kudeaketa enpresa txiki eta ertainetan
Zer da?
Doako laguntza-zerbitzu espezializatua enpresa txiki eta ertainentzat, beren plantilletan edo, zehatzago, beren negoziorako kritikoak diren zenbait lanpostutan belaunaldi-erreleboa arrakastaz jorratzeko, ezagutza modu egokian transferitu eta plantillan gera dadin.
Belaunaldi-ordezkapena berehalakoa da EAEko enpresa-sarean. Horrenbestez, enpresetako taldeen zahartzearen erronkari aurre egiten lagunduko dioten tresnak behar dira, erreleboari lotutako trantsizioak lehiakortasuna galtzea eragin ez dezan.
Ekimen pilotu honen bidez –Lanbidek sustatuta, Innobasque - Berrikuntzaren Euskal Agentziarekin lankidetzan–, enpresa txiki eta ertainei beren plantillen bizi-zikloari aurrea hartzen, planifikatzen eta kudeatzen lagunduko dien prozesua erraztu nahi diegu.
50 orduko aholkularitza pertsonalizatua, kosturik gabe.
Zure neurrira diseinatutako prozesu bat, hiru fasetan:
- Diagnostiko azkar bat, zure negozioko prozesu kritikoak eta horietan parte hartzen duten pertsonak zein diren zehazteko.
- Aholkularitza pertsonalizatua zure beharrizanak Lanbideren kontratazioko, prestakuntzako eta enpleguko tresna publikoekin lotzeko.
- Laguntza zuzena zure taldean aukeratzen dituzun kideentzat, beraiek dauzkaten eta galdu ezin dituzun ezagutza eta esperientzia enpresan gera daitezen.
Emaitzak zure negoziorako:
- Gehienez ere 6 hilabeteko epean amaituko da prozesua, zerbitzuan zehar planteatutako ekintzetako gutxienez bat eraginkortasunez ezarrita. Zuk erabaki zein edo zeintzuk.
- Zure taldeko pertsonak prestatu edo prozedurak sistematizatu ahal izango dituzu, aurrerantzean modu autonomoan garatu ahal izateko antzeko prozesuak.
- Talentua eta ezagutza galtzea saihestea.
- Zure negozioko lanpostu gakoen jardunean jarraitutasuna bermatzea.
- Zure plantilla motibatzea.
- Zure taldeko pertsonen eta sartzen diren berrien garapen profesionala sustatzea.
- Lanpostuen deskribapena berrikustea (beharrezkoa bada).
- 10 eta 249 profesional arteko plantillak dituzten enpresa txiki eta ertainei zuzenduta dago.
- Enpresa horiek Euskal Autonomia Erkidegoan egon behar dira.
- Lehentasunez jarduera industrialak, industriari lotutako zerbitzuetakoak, informazioaren eta komunikazioen gizartekoak, logistikakoak eta handizkako merkataritzakoak garatzea.
Zerbitzu honetan 200 enpresak parte hartu ahal izango dute.
Bete eta bidali formulario hau.
LanMentoring: Segurtatu eta proiektatu ezazu zeure enpresaren ezagutza
Enpresa parte-hartzaileen esperientziak 
Bideo sorta honetan, Lanmentoring programan parte hartzen duten enpresek euren esperientzia kontatzen dute.
Aurkezpen jardunaldiaren programa eta bideoak