Enpresak oraindik eskaintza-eskaerarik izapidetu ez duen kasuetan (ez webgunearen bidez, ez zuzenean Lanbideren bulego edo zentro laguntzaile batean), profilen bilaketa enplegu-aurreeskaintza baten bidez hasten da, bilatutako profilek bete beharko dituzten irizpideekin.

 

Hortik aurrera, interesatzen zaizkien profilak aukeratu ondoren (bilaketa batean edo gehiagotan), enplegu-eskaintzaren eskaera bat sortu ahal izango dute, eta hautatutako CVak automatikoki sartuko dira bertan, Lanbidek eskaintzarako interesatuta dauden egiaztatu ondoren. Era berean, baldintzak betetzen dituzten beste hautagai batzuk gehituko ditugu, behar adinako kopurua osatu arte (jaso nahi duzula adierazten diguzun gehieneko kopuruaren arabera).

Ezkerreko alboko menuko "Bilatu profil profesionalak" aukera hautatu ondoren, orri bat irekiko da, eta bertatik profilen bilaketa berriak kontsultatu eta sortu ahal izango dituzu.

Hiru sarbide mota erabiltzaile motaren arabera

Enpresaren arloan logeatzeko orduan identifikatu garen moduaren arabera, hiru aukera izango ditugu.

• @Contrata edo enpresa-ziurtagiri baten bidez sartzea. Kasu honetan, eragiketak egin ahal izango ditugu soilik logeatu garen IFZ duen enpresarekin:

• Ahalordedun gisa sartu direnek bilaketa egin nahi duten enpresa aukeratu beharko dute (bertan klik eginez), edo IFZ sartu beharko dute (ahaldunik ez duten enpresa baterako jardun nahi izanez gero)

 

• baimenik ez duten pertsonek erantzukizunpeko adierazpen bat egin behar dute tresnara sartzeko

Hortik aurrera, prozedura berdina da sarbide mota guztietarako.

Aurreeskaintza sortzen den pantailara sartzen da, bilaketak egingo diren lanpostuari buruzko gutxieneko datuekin (izena eta kokapena).

Lanpostuaren datuak bete ondoren, "Bilatu profilak" botoiarekin, aurreeskaintza grabatzen da eta kontsultatu beharreko profilak betetzea nahi dugun irizpideen definizioan sartzen da.

Inprimakian eremuak argitzen dira eta informazio osagarria eskaintzen da bilaketa arrakastatsuak lortzeko.

Eremuak ez dira idazkera librekoak; aitzitik, 4 letra edo gehiago idaztean, aukeratu beharreko aukerak eskaintzen dira (Lanbideen Sailkapen Nazionaleko lanbideak, titulazio arautuak edo ezagutza informatikoak...). Beste eremu batzuetan, goitibeherako menuaren bidez hautatzen da.

Eremuak enpresaren beharren arabera bete ondoren, profilen bilaketa zuzenean abiaraz daiteke, edo aurreeskaintza gorde, beste une batean jarraitzeko.

Bilaketa "Bilatu profilak" botoiarekin abiaraziko da, eta honela itzuliko ditu emaitzak.

Zure bilaketak emaitzarik ematen ez badu, hain murriztaileak ez diren beste batzuk egin ditzakezu (nahitaezko irizpide gutxiagorekin edo okupazio espezifikoen ordez okupazio-talde orokorrak erabiliz).

Emaitzarik lortu gabe jarraitzen baduzu, ez amore eman eta erregistratu zure eskaera! Bilaketa-tresna tekniko guztiak eta gure esperientzia erabiliko ditugu hautagaitza egokiak lortzeko, eskaintza gure webgunean eta Estatuko Enplegu Zerbitzu Publikoaren enplegu-atari bakarrean zabaltzea barne.

Bilaketaren emaitzen pantailan (sortu dugun aurreeskaintzatik ere sar daitekeen aurreko pantailan), profilak berrikusten joan daiteke (horietako bakoitzean klikatuz), oharrak gehitu eta berrikusi ondoren (arkatzaren ikonoan klik eginez) eta dagokion zutabean azterketaren emaitza markatu.

 

Bilaketa berriak egin daitezke (aurreeskaintza beraren barruan) irizpide berriekin, baldin eta orain arte emandako CV guztiak berrikusi baditugu. Baten bat berrikusteko badago, ezingo dugu bilaketa berririk egin.

Aurreko guztiak aztertu ondoren, beste bilaketa bat egin dezakegu. Gehienez, 4 bidalketa egin ditzakegu aurreeskaintza berean.

Ez da zertan prozesua saio batean amaitu, baizik eta aurreeskaintzak eta horien izapidetze-egoera (egindako bilaketak, hautatutako CVak, baztertuak, etab.) gordeta daude, eta profilen bilaketatik eta "Aurreeskaintzak" alboko menuko aukeratik sar daiteke horietara.

Profilen hautaketa amaitzen denean, enpresak "Eskaintzaren eskaera erregistratu" behar du hortik (edo aurreeskaintzatik sartuta), eta hautatutako gisa sartuko dira aurreeskaintzaren bilaketetan onartutako profil guztiei dagozkien CVak.

Eskaera gure teknikariek jasoko dute, eta dagokien kudeaketa hasteko falta dena osatuko dute. Eskaintzaren baldintzak betetzen dituzten beste CV batzuk gehituko ditugu, eta, gainerako eskaintzetan bezala, prestasuna egiaztatuko da, bidaltzen diren CVak pertsona interesdunei dagozkiela bermatzeko.

Enpresak CVak kontsultatu eta hautaketa-prozesuaren emaitza jakinarazi ahal izango digu "Eskaintzen kontsulta" aukeratik.

Funtzionaltasun horren bidez, enpresak, oraingoz, eskaintza horietan interesik erakutsi ez duten profilak esleitu diezazkieke uneko lan-eskaintzei

"Esleitu profilak egungo eskaintza bati" menutik edo "Eskaintzak kontsultatu" menutik, eskaintza bilatu ondoren, "Profilak bilatu" botoia sakatuta:

Eskaintzaren oinarrizko datuak eta lehenengo bilaketa hasteko botoia agertuko dira:

Sistemak hautagaitzak jasotzeko azken eguna eguneratzeko aukera ematen du:

Hortik aurrera, bilaketa bat edo gehiago egin ahal izango dira, "Irizpideak zehaztu", "Profilak bilatu" eta "Bilaketa berriak" erlaitzetan  azaldutakoaren antzera:

Bilaketa egin ondoren, profilak ikusi eta baloratu ahal izango dira:

Profil bat onartu ondoren, sistemak informazio-mezu bat erakutsiko du, egin beharreko tratamendua adieraziz:

 

Bai CV horiek, bai Lanbidek eskaintza horretarako lortutako gainerako hautagai-zerrendenak, kontsultatzeko eta deskargatzeko modukoak dira, eskaintzen kontsultatik.

Eskaintzari lotutako hautagaitzen jatorria bereizita ageri da, eta, beraz, enpresak egindako eta onartutako bilaketei dagozkien CVak (aurreeskaintzatik edo egungo eskaintzatik), Lanbidek bidali dien gonbidapenari erantzun positiboa eman diotenak, ikono baten bidez identifikatuta agertzen dira, laguntza-testu batekin.