Zer egin langabezian geratu bazara?

Imagen

Langabezian geratu bazara, kontuan izan behar duzu Lanbidek ez duela eskumenik prestazio edo subsidioei dagokienez. Beraz, eskaera Estatuko Enplegu Zerbitzu Publikoan (INEM zena) egin beharko duzu; ardura horrek du-eta.

Horretarako, urrats hauek eman behar ditu:

Ez da beharrezkoa ERTEn dauden langileek LANBIDEn alta hartzea

Prestazioaren kudeaketa enpresaren eta SEPEren artean izapidetuko da, langabezia-prestazioen eskaera kolektibo baten bidez, hark eragindako langileen izenean, SEPEren aurrean.

1. Lanbiden Alta eman

  • Inoiz ez baduzu Lanbiden izena eman, zure datuak bete behar dituzu  erregistro honetan: LANBIDEn alta emateko eskabidearen erregistroan. Behin zure eskaera jaso eta baliozkotu ondoren, SMS bat bidaliko dizugu Nire Lanbidenetera-era sartzeko gakoarekin. Bertan zure datuak egiaztatu eta eguneratu beharko dituzu.
  • Dagoeneko LANBIDEn inskribatuta bazaude, zure eskaera "aktibo" dagoen egiazta dezakezu zure identifikazio-datuak (NAN eta jaiotze-data) erregistroan osatzen dituzunean: Lanbideko alta-eskaeraren erregistroan. Bertan  zure egoeraren berri ematen dizugu. Eta, baja egoeran baldin bazaude, zure eskaera "berriz aktibatzen" dugu.

2. Estatuko Enplegu Zerbitzu Publikoan SEPE prestazioa edo subsidioa eskatzea.

  • Cl@ve iraunkorra, ziurtagiri digitala edo NAN elektronikoa baduzu, erabili SEPEren egoitza elektronikoa gestioak egiteko: eskabidea aurkeztu
  • Ziurtagiri elektronikorik ez baduzu, berriz, aurretiko hitzordua eska dezakezu. Baina adierazten dizuten egunean ez zaitez zure bulegora joan. SEPEko kudeatzaileak ahalik eta lasterren jarriko dira zurekin harremanetan.

Bete itzazu telefono eta/edo posta elektroniko eremuak hitzordua gogorarazteko gordekin-orrian: eskatu aurretiko hitzordua SEPE bidez.

3. Baldintzak betetzen badituzu, Diru-sarrerak Bermatzeko Errenta (DSBE) eska dezakezu.

Gure webgunean beharrezkoak diren inprimaki eta eskaera guztiak aurki ditzakezu, baita erregistroan erantsi beharreko dokumentazioa ere.

Alerta

SMS bat jasotzen baduzu, enplegu-bulego baten ordez,  prestazioa kudeatzeko, eta zure banku-datuak eskatzen bazaizkizu, ez erantzun. Iruzurra da-eta.