LANBIDEN AURRETIKO HITZORDUAREN ESKAERA

Imagen

Eskatu hemen aurretiko hitzordua dagokizun Lanbideren erreferentziazko bulegorako

ALARMA-EGOERAGATIK APLIKATZEKO APARTEKO NEURRIAK:

Lanbideren erreferentziazko bulegoko hitzordura joateko udalerri ezberdinen arteko joan-etorriak baimentzen dira, baimen-berritze eta dokumentazio ofizialetarako baita beste administrazio- izapideak egiteko, lekualdatzeei buruzko urriaren 26ko 26/2020 Dekretuan jasotzen den bezala

Bizilekuaz bestelako udalerri batera joan izanagatik egiaztagiria behar baduzu, hitzordua amaitzean Lanbideren bulegoan eska dezakezu.

Eskatu hemen hitzordua edo deitu telefonoz zenbaki hauetara: 945 160 600 / 630 305 452.

Gogoratu, nolanahi ere, komunikazio telematikoa sustatzen eta indartzen jarraitzen dela, etxetik egin daitezkeen izapide guztiak errazteko: hala nola Nire Lanbideneteko gakoak eskatzea, LEABD dokumentua eskatzea (enplegu-eskariaren txartela), Berritze-datari buruzko informazioa eskatzea, Ziurtagiriak ematea (inskripzio-datak, inskripzio-aldiak, urteko kobrantzak, espedientearen egungo egoera), Prestakuntza-ikastaro baterako aurreinskripzioa edo Lan-eskaintza baterako aurreinskripzioa egin.

Une honetan, bide telematikoen aldeko apustua egiten jarraitzea erabiltzaileen eta langileen osasuna babestea da. Koronabirusaren aurka batera borrokatzeko, osasun-segurtasunaren arloko gomendioak eta irizpideak betez irekiko da berriro, pertsona guztiak babestuz.

Hori dela eta, eta beste neurri batzuen artean, metakrilatozko leihatila babesleak jarri dira, hitzorduak emango dira bulegoetan ahalik eta pertsona gutxien egoteko eta aretoetan itxarote-denborak murrizteko; bulegoetara sartzen diren pertsona guztiek maskara bat eraman beharko dute, eta gel hidrogelikoak eta/edo toallita higienikoak emateko gailuak jarriko dira.

Azken bi hilabete hauetan egin dugun bezala, behar duten pertsona guztiek arreta jasotzen jarraituko dutela bermatzen dugu.