SALBUESPENEZKO NEURRIAK

Imagen

 ETENDAKO PRESTAKUNTZA-EKINTZAK BERRIZ HASTEA 

Lanbideren enplegurako prestakuntzako ikastaroen prestakuntza-jarduera presentziala abian jarriko da berriro, mailaz maila, maiatzaren 25etik aurrera.

Prestakuntza-zentroek parte hartzen duten ikasturtean egingo diren urratsen berri emango diete ikasleei.


LANBIDEKO BULEGOETAN AURREZ AURREKO ARRETA ETEN DA

Webgunea eta Nire Lanbidenet erabiltzea gomendatzen dugu.

Sartzeko erabiltzailea eta pasahitza behar dira. Gakorik eduki ezean, Nire Lanbidenetera sartzeko orritik bertatik eskatu daiteke, "Eskatu gakoa" aukeran.

Telefono bidezko arreta-zerbitzua bermatzen dugu gure agenteekin telelanean, eta zure laguntza eskatzen dugu telefonoak ez saturatzeko eta itxaronaldiak ulertzeko.

  • Herritarrak: 945 160 600 / 630 305 452
  • Enpresak eta erakundeak: 945 160 601

Arreta telefonikoaren ordutegia:: 8:30etatik 19:30ak arte

ADMINISTRAZIO-EPEAK ETENDA

Eten egiten dira Lanbideren zerbitzu eta prozeduretako dokumentazioa izapidetzeko eta aurkezteko epeak.

Epeen zenbaketa 463/2020 Errege Dekretua edo, hala badagokio, haren luzapenak indarra galtzen duenean hasiko da berriro.

ENPLEGU-ESKAERA AUTOMATIKOKI BERRITZEA

Lan-eskaera guztiak automatikoki berrituko dira martxoaren 11tik Alarma Estatua amaitu eta 15 egunera arte.

Berrikuntza automatikoen amaieraren berri emango dugu.

ERTE BATEN ERAGINPEAN BAZAUDE

Ez da beharrezkoa ERTEn dauden langileek Lanbiden alta hartzea

Prestazioaren kudeaketa enpresaren eta SEPEren artean izapidetuko da, langabezia-prestazioen eskaera kolektibo baten bidez, hark eragindako langileen izenean, SEPEren aurrean.

Hala ere, izena eman nahi baduzu, Lanbideko alta-eskaeraren erregistroan egin dezakezu, baldin eta CAEn bizi bazara eta Frantzian bizi den mugaz haraindiko langilea bazara, Mugaz Haraindiko Eskatzaileen inprimakiaren bidez.

ERTE BATEK ERAGIN GABEKO LANGABEZI-EGOERAN BAZAUDE

Inoiz Lanbiden izena emanda egon ez bazara, bete datuak Lanbideko alta-eskaeraren erregistroan, eta zure eskaera jaso eta baliozkotu ondoren, SMS bat bidaliko dizugu Nire Lanbidenetera sartzeko gakoarekin, zure datuak egiaztatu eta eguneratzeko.

LANBIDEn inskribatuta bazaude, zure eskaera "aktibo" dagoen egiazta dezakezu, zure identifikazio-datuak (NAN/AIZ eta jaiotze-data) osatzen dituzunean Lanbideko alta-eskaeraren erregistroan, non zure egoeraren berri ematen dizugun eta zure eskaera "berriz aktibatzen" dugun, baja egoeran bazaude.

BIZILEKU HELBIDEA ALDATZEKO ESKAERA

Diru-sarrerak Bermatzeko Errentaren hartzailea ez bazara, eta bizileku helbidea aldatzea eskatu nahi baduzu bidali mezu elektroniko bat orientazioa@lanbide.eus helbidera honakoa adieraziz:

Gaia: (NAN/AIZ) bizileku helbidea aldatzeko eskaera.

Postaren edukia: sartu behar da testu hau eta eskatutako datuak:

“Nik, (NAN/AIZ) (_)-ra bizileku helbidea aldatzea eskatzen dut”

Erantsitako fitxategia: Nahitaezkoa da identifikazio-dokumentuaren kopia eranstea (NAN/AIZ).

Aldaketa egiteko, eskaria altan izan behar da. Zure eskaeraren egoera ezagutzeko eta/edo "aktibatzeko" sartu Nire Lanbidenet-en edo Lanbideko alta-eskaeraren erregistro-inprimakian.

Diru-sarrerak Bermatzeko Errenta jasotzen baduzu, eta bizileku helbidea aldatzea eskatu nahi baduzu, bidali gertaeren berri emateko inprimakia eskatutako dokumentazioarekin batera:

Dokumentazioa inprimakietan edo erregistro elektronikoan betetzeko eta/edo bidaltzeko laguntza behar baduzu, KZGuneko zentroetara deitu edo idatzi dezakezu, eta zurekin egingo dugu.

DIRU-SARRERAK BERMATZEKO ERRENTA (DSBE) IZAPIDETZEA BERMATZEN DUGU

Kredentzial elektronikoak badituzu, Eusko Jaurlaritzaren Erregistro Elektroniko Orokorrean erregistratu ditzakezu DSBE eskatzeko edo berritzeko edo komunikazio baten agiriak.

Kredentzial elektronikorik ez badituzu, DSBE eskabidea eta dokumentazioa aurkezteko formularioaren bidez bidal dezakezu beharrezko dokumentazioa. Bertan, laguntza-langileak izango dituzu, izan ditzakezun arazo teknologikoetan laguntzeko prest.

Gure webgunean aurki ditzakezu beharrezkoak diren inprimaki eta eskaera guztiak, baita erregistroan erantsi behar duzun dokumentazioaren informazioa ere.

DIRU-SARRERAK BERMATZEKO ERRENTAREN (DSBE) ADMINISTRAZIO-JAKINARAZPENAK

Correos-ek aplikatutako salbuespenezko neurriak direla eta, zure DSBE espedientearen jakinarazpenak eskura ditzakezu "Nire DSBE/Nire espedientea" menuko ebazpen-blokean, Nire Lanbideneten barruan.

AUTONOMOENTZAKO ETA BANAKAKO ENPRESABURUENTZAKO DIRU-LAGUNTZA

Deialdi hau (leiho berri batean irekitzen da) 2020ko apirilaren 15eko Euskal Herriko Agintaritzaren Aldizkarian (EHAA) (leiho berri batean irekitzen da) argitaratu da.

Laguntza horrek diruz lagunduko ditu Gizarte Segurantzako kotizazio-gastuak eta alokairu-errentak, gehienez 3.000 euro pertsonako.

KULTURAKO PROFESIONALEI LAGUNTZEKO DIRU-LAGUNTZA

Deialdi hau (leiho berri batean irekitzen da) 2020ko maiatzaren 11ko Euskal Herriko Agintaritzaren Aldizkarian (EHAA) (leiho berri batean irekitzen da) argitaratu da.

Kulturako profesionalei laguntzeko programari buruzko ohiko galderen gida (leiho berri batean irekitzen da) ere argitaratu da

"ORDAINKETA BAKARREKO" LAGUNTZA EKONOMIKOA GENERO-INDARKERIAREN BIKTIMA DIREN EMAKUMEENTZAT

Enpleguko eta Gizarte Politiketako Sailak savvg@euskadi.eus e-posta martxan ipini du eskaera eta beharrezko dokumentazioa jasotzeko.