Lan-esperientziaren bitartez eta/edo prestakuntzako bide ez-formalen bitartez eskuratu diren konpetentzia profesionalak ebaluatzeko eta egiaztatzeko prozedura

• EAEko deialdiak
• Konpetentziak ebaluatu eta egiaztatzeko prozeduraren 2019ko deialdi orokorra
• "Mendekotasuna duten pertsonei gizarte-erakundeetan arreta soziosanitarioa ematea" eta "Pertsonei etxean arreta soziosanitarioa ematea" kualifikazioetako 2019ko deialdi espezifikoa
• Aurreinskripziorako lekuak (PDF, 247 KB)
• Estatu mailan argitaratzen diren deialdiak

Eskakizunak

• Bi urte baino gehiagoko lan-esperientzia izatea eta/edo 200 orduko prestakuntza, kualifikazioaren 1. mailan egiaztatu beharreko gaitasunekin erlazionatuta; eta 3 urte eta/edo 300 orduko prestakuntzan 2. eta 3. mailetarako.
• 18 urte baino gehiago izatea, 1. mailako kualifikazioarekin lotutako gaitasun-unitateetarako; eta 20 urte, 2. eta 3. mailetarako.
• Nazionalitate espainiarra edukitzea, Europar Batasuneko herritarra izatea, edo Espainian bizitzeko edo bizi eta lan egiteko baimena izatea, indarrean.

Prozedura

Lan-esperientzia egiaztatzeko prozesu batean parte hartzeko, deialdi publiko batean izena eman beharra daukazu. Onartzen bazaituzte, prozesuan parte hartu ahal izango duzu. Hiru fase ditu:

• AHOLKULARITZA: Zure jatorri-sektoreko adituek berrikusi egingo dute zure historiala eta lortu dituzun eta falta zaizkizun gaitasunak identifikatuko dituzte. Txosten bat egingo dute, hurrengo fasera igaro zaitezkeen ala zure historiala prestakuntzaren bidez osatzea komeni den azaltzeko.
• EBALUAZIOA: Hainbat adituk osatutako batzorde batek ebaluazio-proba egoki batzuen bidez ikusiko dute, ea egiaztatzeko eskatu dituzun lanbide-gaitasun horiek zureganatuta dituzun.
• EGIAZTATZEA: Administrazioak egiaztatutako gaitasun-unitate bakoitzeko egiaztagiri bat egingo du. Egiaztapen hori metatu egingo da, profesionaltasun-ziurtagiria lortzeari edo lanbide-prestakuntza batera sartzeari begira, betiere sartzeko eskakizunak betetzen badira.