Deskribapena

Jarduerari lotuta biztanleriari egindako inkestak oinarri hartuta egindako estatistikek ez dute aukerarik ematen biztanleriaren azterketa egiteko, agregazio-maila handian ez bada. Azterketa zehatzagoak egin nahi badira, datu administratiboak hartu behar dira kontuan. Langabezian dagoen biztanleriari dagokionez, zehaztasun-maila horretako azterketa egiteko, enplegu-zerbitzu publikoek erregistratutako datuak erabiltzen dira, enplegueskatzaileenak. Okupazioari buruzko azterketak egiteko, berriz, Gizarte Segurantzaren sistemak erregistratutako datuak erabiltzen dira, laneko alta duten afiliatuei buruzkoak. Eta informazio-maila horretara iristea ez denez erraza, Gizarte Segurantzak ikertzaileen eskura jartzen du Lan Bizitzen Lagin Jarraitua (LBLJ), hau da, anonimo egindako banakoen datuen aterakin bat. Lagina egite aldera, Gizarte Segurantzaren datu-baseetako informazioa erabiltzen da, eta udal-errolda jarraituko zenbait datu eransten dira (EIN).