Datorren ekainaren 14an Lea-Artibaiko enplegu-azoka ospatuko da. Topaketa horretan hainbat sektoretako 17 enpresak hartuko dute parte, eta Lanbideren informazio-stand bat ere egongo da.

Ekitaldia 10:00etatik 13:00ak arte luzatuko da Markina-Xemeingo Lea-Artibai Berrikuntza Gunean. Aurten ere gazteek zein enplegu-eskatzaileek eskualdeko eta inguruko enpresa eta erakunde nabarmenekin harremanetan jartzeko aukera ezin hobea izango dute.

Gainera, Lanbide-Euskal Enplegu Zerbitzuaren parte-hartzeari esker, haien karrera profesionala hobetu nahi duten pertsonek bi orientatzaileren laguntza izango dute. Era berean, Europan lan-aukera berriak aurkitu nahi izanez gero, EURESeko langile baten aholkularitza ere eskura izango dute.

Ordua eta lekua

• 2024ko Ekainak 14, 10:00etatik 13:00ak arte
• Lea-Artibai Berrikuntza Gunea
  Xemein Hiribidea, 12
  48270 Markina-Xemein, Bizkaia