• 2021eko urtarrilean baino 14.786 langabe gutxiago daude Euskadin
• Nabarmentzekoa da kontratazio mugagabearen igoera, formalizatutako kontratu guztien % 11,89 mota horretakoa baita

Euskadin lan bila ari diren baina aurkitzen ez duten pertsonen kopurua 115.944 zen urtarrilaren amaieran, % 0,96 eta abenduan baino 1.099 pertsona gehiago, Lanbide Euskal Enplegu Zerbitzuan erregistratutako datuen arabera. Duela urtebete baino 14.786 langabe gutxiago daude Euskadin. Gainera, nabarmentzekoa da erregistratutako kontratu mugagabeen kopuru handia, formalizatutako kontratu guztien %11,89.

2021aren amaieran krisiarekin suntsitutako enplegu guztia berreskuratu eta lanpostuak sortu ondoren, urtarrila ohiko urtarrila izan da berriro. Langabezia %0,96 hazi da. Langabeziak gora egin du hil honetan emakumeen artean (+1.494) eta behera gizonen artean (-395). Eguberrietako kanpaina igaro ondoren, merkataritzan jarduera gutxiago dago, eta industrian edo eraikuntzan joera ona dago. Urteko erlazioan ere langabeziaren jaitsiera handiagoa da gizonen artean (-7.582) emakumeen artean baino (-7.204). Krisiaren hasieran kaltetuenak izan ziren arren, suspertzeko gaitasun handiagoa erakusten ari dira. Gaur egun, langabeen % 56,2 emakumeak dira.

Adinaren arabera, langabeziaren igoera orokorra adin-tarte guztietan izan da, 35-44 urtekoan izan ezik, non %0,64 jaitsi den. Nabarmenagoa da 25 urtetik beherakoen artean (+%4,22) eta 25-34koen artean (+%1,42). Urte arteko saldoan, langabeziaren jaitsieraren eta langabeen gazteen arteko lotura zuzena ikusten da; nabarmentzekoa da 25-34 urtekoen ( % -19,22), 35-44 urtekoen ( % -16,71) eta 24 urtetik beherakoen ( % -15,47) arteko jaitsiera. 54 urtetik gorakoen artean bakarrik igo da pixka bat (+%0,56).

Urtarrilean, langabeziak behera egin du industrian ( % -4,52), lehen sektorean ( % -2,82) eta eraikuntzan ( % -2,13). Aitzitik, zerbitzuen sektorean % 2,31 igo da. Urte arteko kopuruan jaitsiera horiek askoz esanguratsuagoak dira: Industria ( % -15,04), eraikuntza ( % -11,37) eta zerbitzuak ( % -11,34). Oraindik lehen lan-esperientzia izan ez dutenen artean, langabezia % 1,34 igo da urtarrilean, baina urteko zenbaketan % 8,5 jaitsi da. Gainera, hilabete honetan iraupen luzeko langabeziak behera egin du 285 pertsonatan, baina iraupen matzeko langabeziak gora egin du 1.384 pertsonatan.

Lurraldeka, Araban % 0,63 hazi zen langabezia, abenduan baino 122 langabe gehiagorekin eta 19.536 langabeturekin. Urtarrilean portaera onena izan duen lurraldea da. Gipuzkoan % 1,01ekoa izan da igoera, 310 langabe gehiagorekin eta 30.863 langaberekin. Bizkaia da urtarrilean portaera txarrena izan duen lurraldea, % 1,03ko igoerarekin, 667 langabetu gehiagorekin, eta 65.545 langabe daude. Urteko saldoan, portaera onena Arabari dagokio, % 11,90eko jaitsiera erlatiboarekin; ondoren, Gipuzkoa ( % -11,77) eta Bizkaia ( % -10,92) daude. Hiriburuen artean, Bilbon 530 langabe gehiago daude (+%2,39), Gasteizen 158 gehiago (+%1,5) eta Donostian 280 gehiago (+%3,80).

Kontratazioari dagokionez, urtarrilean 72.846 kontratazio izan dira, eta horietatik % 11,89 mugagabeak izan dira. 2021eko urtarrilaren aldean, kontratazio-bolumena % 22,8 handitu da. Joan den hilaren aldean, kontratazioak gehien murriztu diren jarduerak ostalaritza eta administrazioa izan dira, eta manufaktura-industrietan, hezkuntzan eta eraikuntzan gora egin dute.

Halaber, urtarrilean, Diru-sarrerak Bermatzeko Errentaren titularren kopurua 6 pertsonatan igo da, % 0,01. Jasotzaileak, guztira, 52.729 dira, 2021eko urtarrilean baino 2.087 gutxiago.