Lan Sailak gogorarazi du gaur egun indarrean dauden enplegu-erregulazioko espedienteak luzatu nahi dituzten enpresek urriaren 15a baino lehen eskatu behar dutela

Argitalpen-data: 

Lanbide.

Eusko Jaurlaritzako Lan eta Enplegu Sailak gogorarazi duenez, beharrezkoa da indarrean dauden aldi baterako enplegu-erregulazioko espedienteak azaroaren 1etik aurrera luzatu nahi dituzten enpresek berariaz eskatzea urriaren 1etik 15era bitarte luzatzea. Hala egin ezean, urriaren 31n amaituko da.

Irailaren 29an argitaratu zen BOEn enplegua babesteko, ekonomia suspertzeko eta lan-merkatua hobetzeko premiazko neurriei buruzko Errege Lege Dekretua. Arau horren 1. artikuluak ezartzen du 2021eko urriaren 31ra arte luzatuko direla automatikoki indarrean dauden ERTEak, bai kodeak eragindako ezinbesteko kasuak, bai kodeak eragindako ETOPak.

Baina aipatutako Ezinbesteko ERTEen ondorioak 2021eko azaroaren 1etik aurrera luzatzeko, beharrezkoa da luzapen-eskaera bat aurkeztea urriaren 1etik 5era bitartean. Luzapen-eskaera hori aurkezten ez bada, urriaren 31n amaituko da.