Gizarte Elkarrizketako Mahaiko Enplegu Taldearen akordioa, aldi baterako erregulazioko espedienteen osagarria luzatzeko

Argitalpen-data: 

Lanbide.

Aurkezpena


Joan den 2020ko ekainaren 18an, Elkarrizketa Sozialeko Mahaiko Enplegu Taldean erabaki zen osagarri bat aitortzea LTE bat eskuratzeko unean 20.000 euro edo gutxiagoko kotizazio-oinarria duten langileei.

Irailaren 29an, Elkarrizketa Sozialeko Mahaiko Enplegu Taldearen bileraren esparruan, Bilbon, erabaki hau luzatzea erabaki da, urtarrilaren 31ra arte halabeharrezko enplegu-erregulazioko espediente baten eraginpean dauden langileentzat, izan arrazoi ekonomiko, tekniko, antolamenduzko edo produktiboengatik, eta aurreko akordioan lortutako baldintza berberei eutsiko zaie.

Akordio hori posible izan da, izan ere, Gizarte Elkarrizketaren Mahaia osatzen duten gizarte-eragileek, Confebaskek, CCOOk eta UGTk, Eusko Jaurlaritzarekin batera, uste dute lehentasunezkoa dela pandemiaren fase honetan enplegua indartzera bideratutako neurriak mantentzea, soldata baxuenak dituzten langileei eta ahulenei erreparatuz.

Ekainaren 18ko erabakiaren ondorioz, Lanbideren Administrazio Kontseiluak onartutako ezohiko laguntzen deialdia egin zen. Laguntza horiek telematikoki betetzen den online inprimaki erraz baten bidez izapidetu ziren, eta 2020ko uztailaren 1eko Ebazpenaren bidez argitaratu zen (EHAA, 2020ko uztailaren 7koa). Luzatu ondoren, Lanbideko Administrazio Kontseiluari dagokio, berriz ere, beste deialdi bat onartzea, eta, printzipioz, aurreko deialdiaren baldintza berberetan egingo da. Onartzen denean, webgune honetan jakinaraziko dugu.

Hitzartutako osagarrien ordainketari dagokionez, SEPE ematen hasi den datuak balioztatu ondoren, urrian hasiko da ordaintzen, atzeraeraginezko ondorioekin.