2023ko urriaren 11n, Lanbideren gizarteratzeko eta laneratzeko proiektu esperimentalen jardunaldia egin zen Bilboko YIMBY aretoan. Idoia Mendia, Bigarren Lehendakariorde eta Eusko Jaurlaritzako Lan eta Enplegu sailburua, arduratu zen Lanbide-Euskal Enplegu Zerbitzutik zein Lan eta Enplegu Sailetik gizarteratzearen arloa garatzen ari diren hiru lan-ildoak irekitzeaz eta sartzeaz.

Lehenik eta behin, Sara Buesak, Lanbideko Prestazio eta Gizarteratze zuzendariak, ibilbide mistoetan laguntzeko proiektu esperimentalen testuingurua, esparru teorikoa eta prozesua azaldu zituen, eta proiektu horietako 3 aurkeztu zituen elkarrizketa-mahai batean, Laura Bañales Gizarteratze Zerbitzuko koordinatzaileak moderatuta: Gizarteratze- eta laneratze-prozesuen elkarlaneko garapena osasun mentalaren eremuan, Enkaremak Bai eta Batzen.

Etenaldiaren ondoren, Lanbideko zuzendari Francisco Pedrazak Gizarteratzeko eta Laneratzeko Laguntza Integraleko Proiektuen edukia eta testuingurua aurkeztu zituen. Kasu honetan, Bilbao Ekintzak, Gasteizko Udalak eta Zumarragako Udalak parte hartu zuten elkarrizketa-mahaia Estibaliz Aguirre Lanbideko Gizarteratze Zerbitzuko teknikariak moderatu zuen.

Azkenik, Alfonso Gurpeguik, Eusko Jaurlaritzako Enplegu eta Gizarteratze sailburuordeak, V. Gizarteratze Planaren esparruan garatzen ari diren proiektu esperimentalen berri eman zuen. Kasu honetan, Arantza Mendietak, SIISeko managerrak, hiru proiektuk parte hartu zuten elkarrizketa-mahaia dinamizatu zuen: Donostiako Udalaren Uba Eskola aterpetxea, Nahiarte Factory-ren eskutik desgaitasun psikiko edo intelektuala duten artista plastikoen gizarteratze eta laneratzea, eta, azkenik, Elkarrekin gehiago gara, Abarka garapenerako lankidetzaren elkartearen eskutik.